Sony yamuomba radhi Britney Spears baada ya ''kumuua''

Britney Spears

Kampuni ya muziki ya Sony imemuomba radhi mwanamuziki nyota wa pop Britney Spears, baada ya ukurasa wake rasmi kutangaza kuwa amefariki.

Kampuni hiyo ya burudani iliondoa mara moja ujumbe wake batili, ikisema kuwa akaunti yake ilikuwa "imedukuliwa" lakini kwamba hali hiyo "imerekebishwa.
Sony iliongeza kusema kuwa '' samahani kwa Britney Spears na mashabiki wake kwa mkanganyiko wowote uliojitokeza".
Britney Spears mwenye umri wa miaka 35 hakujibu moja kwa moja kupitia mtandao wake wa Twitter, lakini meneja wake amethibitisha kuwa muimbaji huyo yuko ''salama salmini''.
Hali kadhalika Ukurasa wa Twitter rasmi wa afisa wa Sony Bob Dylan pia ulionekana kudukuliwa.
Ulitumwa ujumbe uliosema: "pumzika kwa amani @britneyspears" katika muda sawa na ule uliotumwa ujumbe bandia wa Sony.

 

 

Hivi ndivyo chapisho la mtandao wa Twitter la Sony lilivyosema 

 

 

 

 

 

 

 

 

 

 

 

 

 

 

 

 

 

Baada ya ujumbe wa Twitter kuchapishwa, kundi linaloitwa OurMine lilionekana kuweza kudukua akaunti ya Twitter ya Sony Music na kuonyesha kuvunjwa kwa sheria za usalama za mtandao.
Haijabainika wazi iwapo ndiyo iliyohusika katika utumaji wa jumbe za uongo au la.
Siku chache zilizopita, ilionekana kuingilia akaunti ya Twitter ya Netflix nchini Marekani na ile ya Marvel Entertainment.
Pia ilihusishwa na udukuzi wa akaunti ya Twitter ya wakurugenzi wakuu akiwemo mkuu wa Facebook Mark Zuckerberg na mkurugenzi mkuu wa Google Sundar Pichai.
Source BBC swahili